Te vulesse purta’ miez’a mano
Pe’ te tene’ cu mme a notte e o juorno,
pe’ te cunnulia’ a sera chiano chiano,
p’ogni penziere te leva’ a tuorno.

Me piacess’e te canta’ na serenata,
ca viaggianno dint’e pieghe d’a tuia pelle,
te cuntasse quanto t’aggio amata
e te facesse senti’ semp’a cchiù bella!

Invece ti regalo ‘sta poesia…
e t’a sussurro comm’a ninna nanna
pe’ te di’ ca sì tutt’a vita mia,
e ca te voglio bene, cara mamma!