Maronna mia, ma o ssai quanto mi manchi?
Sto sulo dint’a stanz’e pienz’a te.
Chest’uocchie russ’ e chianghere so’ stanchi
e anna sta chiusi pe’ pe pute’ vere’.

Pecchè te ne sj ghiuto, babbo mio?
Pecchè hai lassat’a cas’a accussì vuota?
Ma l’hai pensat’a stu dolore mio?
Torna, fatti abbracciare ‘n’ata vota!

Da ‘na fenest’aperta veg’o mare,
gruoss’, agitato, comme so’ pur’io
e l’onna ca galoppa vo’ imitare
o core ca te sbatte dint’o mio.

M’o ssiento, e pure si tu stai luntano
o ssaccio ca cammini assiem’a me,
me vieni affianco, m’astregni fort’a mano
pe’ me da’ a forz’è campare senz’e te.

Poi me surridi e dici dint’a mente:
“Aggio vint’io e ovvuoi sape’ pecchè?
Pecchè so stato tant’affascinante
ca pur’a morte s’è ‘nnammurat’e me!”